Од денес можете да го купите првиот Realme Android таблет во Европа. Компанијата нуди и специјален попуст за време на промо периодот.
Уште минатиот месец објавивме дека Realme наскоро би можел да го лансира својот прв Android таблет, Realme Pad во Европа. Од денес, Realme Pad е официјално достапен во некои европски земји. Овој таблет има прилично добра цена, а доколку сте доволно брзи, можете дури и да заштедите 60 евра на малопродажната цена.
На предната страна, Realme Pad поседува голем 10,4-инчен WUXSGA+ LCD екран. Има резолуција од 2000 x 1200 пиксели и се одликува со осветленост до 360 нита. Таблетот го покренува MediaTek Helio G80 процесор базиран на процес на производство од 12 nm. За да го комплетира медиумското искуство, Realme обезбеди поставка со четири звучници на таблет со Dolby Atmos сертификат.
Realme Pad има 4GB RAM и 64GB внатрешна меморија. Работи на корисничкиот интерфејс на Realme базиран на Android 11. Realme Pad има батерија од 7.100 mAh (која поддржува брзо полнење од 18 W) и тежи само 440 грама.
Во Европа, Realme лансираше само Wi-Fi верзија на Realme Pad. Таблетот е достапен на европскиот пазар по цена од 260 евра, иако можете да го набавите по цена од 199 евра за време на „Early bird“ понудата која важи до 29 ноември.
Засега таблет уредот е достапен за купување само во Белгија, Германија, Луксембург, Холандија и Португалија, а се очекува да биде достапен и на другите европски пазари.