Пред околу две недели, Apple ги претстави своите најнови лаптопи во MacBook Pro линијата, која вклучува 14-инчни и 16-инчни лаптопи со M1 Pro и M1 Max процесори. iFixit изведе и ги објави своите демонстрации на овие лаптопи, прикажувајќи ги внатрешните компоненти и промените што ги направи Apple со оваа генерација.
Новите 14-инчни и 16-инчни MacBook Pro лаптопи имаат ажуриран дизајн, а Apple навистина го искористил секој инч од просторот во уредот. Тоа го покажува и рендгенската снимка од внатрешноста.
Батеријата на 16-инчниот модел е со 99,6 Wh, што е нешто помалку од батеријата од 99,8 Wh на 16-инчниот MacBook Pro од 2019 година базиран на Intel. Пријатна промена е тоа што батериите повеќе не се залепени за шасијата, туку може да се отстранат од едноставните лепливи јазичиња.
Кабелот што го поврзува панелот на дисплејот е помалку крут, што треба да ги олесни поправките. Портовите на лаптопот, особено трите USB-C приклучока, MagSafe портот и влезот за слушалки се модуларни. Ова би требало да ја олесни замената во случај овие порти да се расипат. Сепак, HDMI портот и слотот за SD картичка се залемени на главната плоча. Како што се очекуваше, меморијата и складирањето, исто така, не се заменливи од корисниците.
Сè на сè, Apple направи голем број подобрувања кои им користат на сервисерите, но и натаму постојат болни точки. На пример, ако корисникот го замени екранот, лаптопот ја губи True-Tone функцијата, а TouchID сензорот повеќе не работи доколку се замени. Поради овие причини, iFixit му даде 4/10 оценка на 16-инчниот M1 Pro MacBook Pro.