После две години подготовки, Facebook соопшти дека отсега корисниците ќе можат да разменуваат пораки меѓу Instagram и Messenger.
На Messenger корисниците ќе можат да ги видат своите Instagram контакти и преку Messenger ќе можат да се допишуваат со тие контакти без промена на апликацијата.
Корисниците преку Messenger ќе можат да се поврзат со контактите од Instagram и да ги организираат и поврзат своите контакти во група за допишување.
Во групните разговори ќе може да се менува позадина, да се прават анкети а сите корисници ќе можат да видат кој подготвува порака за праќање, како што е случај и кај двете апликации.
Facebook новата функција ја пушти во употреба од 1 октомври и со најновите ажурирања може да се користи во двете апликации.
Извор: B92.net