Според информациите на сајтот WinFuture, новиот Honor 50 ќе биде објавен во Европа, а презентацијата се очекува за околу еден месец.
Верзиите на Honor 50 телефонот, со 6/128 GB и 8/256 GB меморија и складирање се наведени на веб-страницата hihonor.com во Германија, а можат да се најдат и на сајтовите на компанијата во други земји во Европа. Телефонот ќе биде достапен во четири бои, вклучувајќи ја и лимитираната Honor Code едиција.
Периодот на објава се уште не е официјализиран, а според гласините, Honor 50 ќе биде претставен на настан во Берлин, што ќе се одржи на 26 октомври. Телефонот треба да биде достапен веќе следниот ден. Судејќи според се, Honor 50 Pro нема да биде достапен во Европа.
Honor 50 ќе има 6.57-инчен 120Hz OLED (1080p+) екран, Snapdragon 778G чипсет, главна камера од 108MP и ултра-широка камера од 8MP, селфи камера од 32MP и батерија од 4300mAh со поддршка за 66W брзо полнење.
Телефонот од старт ќе користи Android 11, со прилагоден кориснички интерфејс и ќе има целосен пристап до Google Play Store и Play Services.
.