Intel претстави пет NUC X15 Laptop Kit-ови, со Tiger Lake процесори и NVIDIA RTX 30 Series графички карти. Intel NUC лаптопите им се продаваат директно на системските интегратори, без меморија и простор за складирање, и не им се достапни за директно купување на потрошувачите.
Intel во понудата има две опции на процесори: Core i5-11400H и i7-11800H, во комбинација со графички карти RTX 3060 или RTX 3070. Постојат и три опции на дисплеи, а сите имаат тенки рамки околу IPS панелот и 144Hz FHD, 240Hz FHD и 165Hz QHD конфигурации.
Лаптопите ги краси и механичка тастатура со RGB осветлување, WiFi 6, Thunderbolt 4, PCIe Gen 4 простор за складирање, 2.5 Gigabit Ethernet, HDMI 2.1, Windows Hello и батерија од 94Wh. Повеќе детали за хардверот се достапни во придружната табела.