Honor неодамна го претстави Honor 50 Pro телефонот, кој поддржува полнење на батеријата од 100W, и се чини дека Huawei ќе се приклучи на својот поранешен подбренд.
Полнач на Huawei од 100W (20V @ 5A), со ознака на модел HW-200500C00 е сертифициран од кинеската агенција 3C. Не е познато кога Huawei ќе објави телефон со поддршка за 100W полнење, но се очекува наскоро да имаме повеќе детали.
Неодамна претставените Huawei P50 и P50 Pro поддржуваат полнење на батеријата до 66W, додека P50 Pro поддржува и безжично полнење од 50W.
Можно е споменатиот полнач од 100W да биде наменет за Huawei Mate 50 Pro смартфонот, што се очекува во иднина. Телефонот може да има Kirin 9020 чипсет, и тоа ќе биде првиот чипсет базиран на 3nm производствен процес.