По неколкумесечно исчекување и одложување, Huawei официјално ја претстави својата P50 серија телефони  во Кина. Претставени се два модела – Huawei P50 и Huawei P50 Pro.

Двата телефони поддржуваат 66W брзо полнење и имаат стерео звучници. Меѓутоа, само P50 Pro ја поддржува 50W Wireless технологијата за безжично полнење на Huawei. Телефоните се потпираат на IP68 сертификат за отпорност на вода и прашина. Гласините од претходно се покажаа како вистинити, така што ниту еден од двата телефони нема поддршка за 5G и се лимитирани на 4G, 3G и 2G мрежи.

Huawei P50 има 6,5-инчен OLED дисплеј со FHD+ резолуција и брзина на освежување од 90Hz. Го покренува Snapdragon 888 4G чипсет и ќе биде достапен со 8GB RAM и 128GB / 256GB простор за складирање. Складирањето може да се прошири преку NM слотот за  мемориски картичка за уште 256GB.

Телефонот на задната страна има систем со три камери, кој го сочинуваат 50MP главен сензор, ултраширок од 13MP и 12MP телефото сензор со OIS поддршка. Тука е и поддршката за 5x оптички и 50x дигитален зум. Од предната страна е сместена 13MP селфи камера. Батеријата со капацитет 4100mAh има поддршка за брзо полнење од 66W, а не поддржува безжично полнење.

Huawei P50 Pro користи 6,6-инчен флексибилен OLED дисплеј со FHD+ резолуција и 120Hz стапка на освежување. Телефонот поддржува XD Fusion Pro, што го удвојува собраното светло во споредба со P40 Pro, додека динамичниот опсег може да се зголеми за 28 проценти.

P50 Pro ќе биде достапен во две варијанти – со Kirin 9000 чип и со Snapdragon 888 4G чип. Ќе бидат достапни 8GB RAM и 128/256/512GB интерна меморија, како и 12GB RAM + 512 GB опции за складирање. Складирањето може да се прошири преку NM мемориска картичка.

Системот со четири камери на задната страна на телефонот се состои од 50MP главен сензор, 13MP ултраширока фотоапарат од 13MP ултраширока камера, 64MP телефото со OIS поддршка и 3.5x оптички зум, како и 40MP монохромен сензор. Од предната страна се наоѓа 13MP ултраширока камера. Батеријата со капацитет од 4360mAh поддржува обратно безжично полнење (со претходно споменатото брзо полнење од 66W).

Huawei P50 Pro ќе биде достапен во Yao Gold Black, Cocoa Tea Gold, Snowy White, Dawn Power и Rippling Clouds варијанти. Стандардниот Huawei P50 пристигнува во Yao Gold Black, Cocoa Tea Gold и Snowy White верзии.

Телефоните од Huawei P50 серијата се првите модели на компанијата кои пристигнуваат со HarmonyOS 2 оперативен систем. Двата телефони ќе бидат достапни на глобално ниво, но само со поддршка за 4G конекција.