Sony во април го претстави Xperia 5 III, заедно со Xperia 1 III моделот, но компанијата тогаш не ја објави цената, ниту деталите за достапноста на уредот. Сега е официјално објавено дека Sony Xperia 5 III во Европа ќе биде достапен по цена од 999 евра, додека Xperia 1 III ќе чини 1299 евра.
Sony Xperia 1 III е веќе достапен во претпродажба, додека Xperia 5 III ќе се испорачува од септмеври, а во претпродажба ќе се најде наскоро.
Кога станува збор за спецификациите, Sony Xperia 5 III го покренува Snapdragon 888 чипсет, има 6,1-инчен (2520 × 1080p) FullHD + OLED HDR дисплеј со освежување од 120Hz, 8 GB RAM, 128 GB простор за складирање и 4500mAh батерија со поддршка за 30W брзо полнење.
На полето на камерите, телефонот користи главна камера од 12MP со Exmor RS сензор, ултра-широка камера од 12MP и 12MP телефото со хибридно зумирање. На предната страна има селфи камера од 8MP.
Sony Xperia 5 III е отпорен на вода (IPX5 / IPX8) и прашина (IP6X), нуди 5G поддршка, има сензор за отпечатоци од страна на рамката, 3,5 mm конектор, поддршка za Dolby Atmos, Hybrid Dual SIM (nano + nano/microSD) и друго.