Најновиот Galaxy Watch ќе биде првиот уред со One UI Watch кориснички интерфејс и нова платформа создадена во соработка со компанијата Google
Samsung ја одржа својата виртуелна презентација како дел од MWC 2021, во текот на која компанијата го објави својот нов оперативен систем за паметни часовници – One UI Watch.
One UI Watch е заснован на Wear OS платформата на Google и затоа ќе биде подлабоко интегрирана со Android отколку што тоа беше случај со Tizen OS. Ако се инсталира апликација од Play Store, која има апликација за паметен часовник, таа автоматски ќе биде инсталирана и на часовникот. Постои и незабележителна синхронизација помеѓу часовникот и телефонот, така што апликациите ќе се прилагодуваат на соодветните уреди.
One UI Watch отвора врата и за повеќе апликации кои ќе бидат достапни на паметните часовници во споредба со она што го нудеше Tizen. Ова ги вклучува популарните апликации како што се Fear, Adidas Running, Calm, Spotify, YouTube Music и Google Map, кои ќе бидат достапни за Galaxy Watch.
За да ја разликува својата платформа за паметни часовници од Wear OS, Samsung ќе им понуди на дизајнерите подобрени алатки за дизајнирање на позадини.
Samsung подоцна во текот на летото официјално ќе го претстави првиот Galaxy Watch со One UI Watch интерфејс. Претходно се појави информација дека Galaxy Watch4 би можел да биде претставен на почетокот на август.