Најголемиот мобилен оператор во Русија, MTS и Huawei активираа 5G мрежи на 14 култни локации во Москва. Ja стартуваа и „5G пристигна“ промоцијата за да прикажат целосно ново мобилно искуство со брза конекција, брзо преземање и мазно играње игри. Оваа активација е пресвртница што ја најавува забрзаната комерцијализација на 5G во Русија и го означува првото достигнување на MTS и Huawei во заедничкиот иновациски проект „5G Град“.
MTS е првиот телекомуникациски оператор во Русија на кој му е доделена лиценца за 5G. Операторот даде стратешки приоритет во изградбата на 5G мрежата и развојот на услугите. Во октомври минатата година, MTS и Владивосток ТВ ја покренаа ТВ услугата во живо, користејќи 5G модули, што во тоа време беше инстант хит. Неодамна, MTS и Huawei ко-лансираа преноси во живо, користејќи ги 5G смартфоните на Huawei на 14 локации за 5G искуство, покажувајќи им ги огромните 5G брзини на корисниците во Русија, во поглед на конекцијата, преземањето и играњето игри. Резултатите од тестот беа позитивни – брзина на врска над 1 Gbps, 2 GB фајлови и апликации преземени за само 10 секунди и онлајн гејминг што ги задоволува барањата за латенција насекаде.
MTS го претстави Super Blade Site решението на Huawei, за да го поедностави воведувањето на 5G мрежата на 14 локации во Москва. Со оглед на тоа што над 40 проценти од локациите во Москва се макрополови места, Super Blade Site решението со антенски/AAU, RF и BBU производи интегрирани во сечилото ги решаваат потешкотиите во просторот за инсталација на антената и изнајмувањето на локацијата.
„5G беше и ќе остане врвен приоритет за MTS. Желни сме да ги истражиме и развиваме 5G апликациите за нашите индивидуални и корпоративни корисници, за да ја покренуваат националната економија. На 14 пилот-локации, голем број потрошувачи можат да ги искусат придобивките од 5G – висока широкопојасна поврзаност со мала латенција за апликациите од следната генерација. Ова ни пружи и единствена можност да ги надгледуваме перформансите на инфраструктурата и квалитетот на услугите при вистинска употреба“, рече Виктор Белов, главен директор за технологија во MTS.
„Со внимателно управување на барањата на клиентите и длабокиот увид на пазарот, Huawei обезбедува водечки 5G решенија, кои најдобро им одговараат на потребите на нашите руски партнери. Ќе продолжиме да му помагаме на MTS да ги истражува 5G апликациите и да иновира заедно со индустриските партнери во Русија, користејќи ги компјутерите во облак, големите податоци, IoT и другите технологии “, истакна Жао Леи, директор на Huawei Eurasia CNBG.