Американското вселенско летало Osiris-Rex вчера ја напушти орбитата на астероидот Бену, од кој лани собра примероци прашина, и го почна долгото патување назад на Земјата.
Вселенското летало вчера изврши успешен маневар, активирајќи ги дополнителните генератори за да може сондата да се намести на точната траекторија кон Земјата. Инженерите од Центарот Локид Мартин во Литлтон, Колорадо, потврдија дека дополнителните генератори работеле седум минути.
Пред неа е голема оддалеченост што мора да ја помине пред да слета во пустината во Јута на 24 септември 2023 година, каде ќе испушти капсула полна со примероци од астероидот Бену. Сега ѝ следи двегодишно патување во ќе помине растојание од 2,3 милијарди километри.
Osiris-Rex „се оддалечува од Бену со брзина поголема од 600 милји на час“ на пат кон дома, рече Данте Лаурета, шеф на мисијата, во видеопреносот на НАСА од настанот. Сондата од астероидот носи повеќе од 60 грама примероци.
Вселенското летало беше лансирано кон астероидот Бену од Флорида во 2016 година и влезе во неговата орбита во октомври 2020 година, со што стана првото вселенско летало што некогаш кружело околу астероидот. Потоа започна операцијата со висок ризик.
Сондата постепено се приближуваше до астероидот и ја издолжи роботската рака со уред за земање мостри. Таа стапи во контакт со астероидот неколку секунди кога уредот ја допре негвата површина, предизвикувајќи експлозија на компримиран азот доволно силен за да крене прашина од површината, која потоа беше заробена во посебен резервоар.
Научниците од НАСА беа изненадени кога дознаа дека роботска рака потона неколку сантиметри во површината на астероидот, што сугерира дека „површините на таквите астероиди можат да бидат прилично меки“, рече Лаурета.
Токму поради ова, беа собрани повеќе примероци отколку што првично беше планирано, па вратата на резервоарот се заглави. Мисијата за малку ќе пропаднеше.
Но, инженерите на крајот успешно ги затворија и ги преместија скапоцените примероци во капсула прикачена во средишниот дел на леталото.
Osiris-Rex остана со астероидот Бену неколку месеци и го проучуваше кратерот на површината и сега конечно се враќа на Земјата.
Откако ќе ја испушти капсулата во атмосферата на Земјата и ќе слета во областа Јута, леталото ќе остане во вселената, а доколку му остане доволно гориво, НАСА би можела да го испрати на нова мисија.
Откако ќе се најдат на Земјата, примероците ќе бидат пренесени во вселенскиот центар на НАСА „Џонсон“ во Хјустон, но научниците ќе анализираат само 25 проценти, а останатите 75 проценти ќе останат недопрени за да можат да ги проучуваат идните генерации експерти од целиот свет, кои веројатно ќе имаат понапредна технологија, објави агенцијата.
Анализата треба да им помогне на научниците подобро да го разберат потеклото на Сончевиот Систем и развојот на Земјата како планета на која има живот.
Извор: Klix.ba