По објавата на плановите за обединување на Edge кодот за повеќе различни платформи, Microsoft сега објави нов Edge Canary build за корисниците на Android. Новиот build (v91.0.858.0) се поклопува со десктоп верзијата и имплементира нов кориснички интерфејс, функции, изглед на менито и друго.
Microsoft Edge Canary апликацијата за Android нуди различни функции во однос на актуелната бета верзија за Android, а ова вклучува напредни функции како што е режим за читање и целосен пристап до експерименталните функции.
Новиот Edge Canary може да се преземе од Play Store, а широкиот спектар на експериментални функции е можно да се испробаат со посета на edge://flags страницата. Секако, бидејќи се работи за Canary верзија, се очекуваат грешки и други проблеми со стабилноста.
Play Store листингот не нуди целосна листа на промени и функции што ги имплементира новиот Edge Canary build за Android, но се очекува Microsoft во следниот период да објави уште повеќе промени за платформата.