Google тестира темен режим за онлајн пребарувањето на десктоп, а доколку сте меѓу оние за кои режимот е веќе достапен и ако вашиот систем е поставен на Dark mode, позадината на пребарувачот на Google ќе биде темно сива.
Сè уште не е познато колку луѓе во фазата на тестирање ќе можат да го користат темниот режим, а некои корисници на Twitter пријавија дека веќе го имаат.
Исто така, сè уште не е познато кога темниот режим ќе биде достапен пошироко или за сите корисници.
Ова не е прв пат да се појави темниот режим за веб-прелистувачот, бидејќи минатиот месец го забележаа некои корисници.
Минатата недела, Twitter го направи својот темен режим уште потемен, а Microsoft исто така тестира промени во Word за да го направи целиот документ темен.