MSI го претстави Optix MAG301 CR2 – закривен, ултраширок монитор од 30 инчи. Мониторот го краси закривеност од 1500R, WFHD (2560 x 1080p) резолуција и листа на гејминг карактеристики.
Мониторот има VA панел, а нуди брзина на освежување од 200Hz, 1ms (MPRT) одзив, поддршка за AMD FreeSync Premium, агли на гледање од 178 степени и статички контраст од 3000:1.
Од опциите за поврзување, Optix MAG301 CR2 има USB-C (со DP passthrough), DisplayPort 1.2a и два HDMI 2.0 порта.
Покрај тоа, мониторот нуди целосна листа на MSI Gaming иновации, вклучувајќи го и OSD Gaming (gaming overlay), како и пресети што одговараат на одредени гејминг жанрови. MSI не ја објави цената на Optix MAG301 CR2 мониторот.