Следниот пат кога ќе одлучите да ги уредувате вашите фотографии преку Google Photos, можеби ќе забележите неколку нови опции што се заклучени. Како дел од тековната презентација, Google додава нов пристап кон својата поп функција во боја, која корисниците можат да ја применат на која било фотографија. Сепак, најпрвин ќе морате да се претплатите на Google One, пред да можете да ги прилагодите вашите фотографии со новата опција.

Иако од настанокот до денес, Google Photos е многу напреднат како алат, сите се прашуваат дали Google сакаше од бесплатна да создаде апликација што се плаќа или да понуди нешто повеќе од обичен едитор на фотографии. Поп во бојата е одлика што и натаму е достапна, без никакви дополнителни трошоци, за фотографии како што е портрет режим. Членовите на Google One можат да ја применат оваа функција на уште повеќе фотографии на луѓе, вклучително и на оние без детални информации.

Копајќи по кодот на најновата верзија на Google Photos, програмерите пронајдоа докази за нови функции, како и исечоци што ги поттикнуваат корисниците да се претплатат на Google One за пристап до нив. Една од пораките гласи: „Отклучете ја оваа функција и многу повеќе со членството на Google One“.

Со два долара месечно за пристап до вашиот прв платен Google One, нема да ве чини премногу ако користите некои од новите функции што Google ги додава во Photos. Под услов да ја платите една од поскапите опции, ќе добиете и пристап до VPN што компанијата неодамна го додаде како предност. Самиот факт дека треба да платите претплата за да пристапите до избор на понапредни функции во рамките на апликацијата Photos, веројатно ќе фрустрира многу луѓе.