OnePlus во јули го претстави стандардниот Nord телефон, по кој минатиот месец беа објавени Nord N100 и Nord N10 5G моделите. Сега се појавија информации дека ќе им се придружи и OnePlus Nord SE.
Според наводите, OnePlus Nord SЕ ќе го покренува Snapdragon 765G чипсет (како и оригиналниот Nord), а ќе има AMOLED дисплеј. Дијагоналата на екранот не е позната, а панелот би можел да има 1080p резолуција.
Телефонот ќе го напојува 4500mAh батерија, со поддршка за полнење од 65W, која веќе ја видовме на OnePlus 8T моделот.
Nord SE го носи кодното име Ebba, а ќе се продава во Европа и Индија. OnePlus се уште не објави ништо официјално за Nord SE моделот, а гласините сугерираат дека ќе биде објавен недолго по OnePlus 9 моделот, кој се очекува во март, 2021. година.