Вселенското летало на NASA ја допре површината на астероидот Бену и зема примерок од карпата која потекнува од почетокот на нашиот сончев систем.
Механичката рака на сондата OSIRIS-Rex, долга 3,35 метри, зеде неколку камења во близина на северниот пол на астероидот, пренесува Ројтерс.
Бену, што е оддалечен повеќе од 100 милиони километри од Земјата и чие тело е во форма на желад е формирано на почетокот на Сончевиот систем, би можел да одговори за почетокот на животот на Земјата.
"Sample collection is complete." "All right! We're on our way back!" After a TAG (Touch-And-Go) maneuver to capture a sample, our @OSIRISREx spacecraft fired its thrusters to back away from asteroid Bennu’s surface and navigate to a safe distance away. #ToBennuAndBack pic.twitter.com/skJPKlFRR3
— NASA (@NASA) October 20, 2020
Операцијата, која траеше 16 секунди, бараше голема прецизност и беше успешно изведена на растојание од дури 330 милиони километри од Земјата.
„Сè одеше совршено. Ние испишавме историја вечерва“, изјави Данте Лорето, шефот на мисијата, неколку минути по контактот.
Сондата ќе испрати слики од колекцијата на примероците во текот на денот, така што научниците ќе можат да утврдат колку материјал е собран и дали е потребен друг обид за собирање примероци.
Congratulations to the entire @OSIRISREx team and all of @NASA’s partners on this mission! We are on the way to returning the largest sample brought home from space since Apollo. If all goes well, this sample will be studied by scientists for generations to come! https://t.co/rdNtObIxht
— Jim Bridenstine (@JimBridenstine) October 20, 2020
Доколку се утврди дека мисијата е успешна, сондата ќе се врати на Земјата, а нејзиното пристигнување се очекува во 2023 година.