Microsoft ги претстави новите Surface Laptop Go и Surface Pro X (ВИДЕО)

Microsoft претстави два нови Surface уреди – буџетски ориентираниот Surface Laptop Go и втората генерација на Surface Pro X моделот.

Добивај вести на вибер

Surface Laptop Go има 12,4-инчен дисплеј осетлив на допир, со 1536 x 1024p резолуција. Уредот го покренува 10. генерација Intel Core i5-1035G1 процесори со Intel UHD Graphics. Присутни се 4GB или 8GB LPDDR4X меморија, како 64GB eMMC или 128/256GB SSD простор за складирање.

Лаптопот има 720p f2.0 веб-камера, два микрофона и звучници со Dolby Audio поддршка. Од конекторите се достапни 1x USB-C, 1x USB-A, Surface Connect порт, а тука е и поддршкаѕта за Wi-Fi 802.11ax, Bluetooth 5.0 и приклучок за слушалки.

Surface Laptop Go користи комбинација од алуминиум и поликарбонат за куќиштето, стаклени влакна и 30% рециклиран материјал како база. Основниот модел има цена од 55 долари (4GB RAM и 64GB eMMC), додека моделот со 8GB RAM + 128GB SSD чини 700 долари, а моделот со 8GB RAM + 256GB SSDима цена од 900 долари.

Новиот Surface Pro X е надградба на минатогодишниот модел и во прашање е ARM-заснован Windows таблет. Уредот има 13-инчен екран со 2880 x 1920p резолуција. Уредот има нов дизајн, а Microsoft тврди дека се работи за најтенкиот Surface Pro досега

Surface Pro X го покренуваат два чипсета: минатогодишниот Microsoft SQ 1 чипсет и новиот SQ 2, креиран од Qualcomm. Уредот има 8GB и 16GB LPDDR4x меморија, како и 128/256/512 GB M.2 2230 SSD.

На полето на камерите, тука се 5MP предна камера со поддршка за 1080p видео и одвоена камера за Windows Hello верификација. На задната страна се наоѓа 10MP камера што може да снима видео до 4K. Тука се и 2W стерео звучника со Dolby Audio поддршка.

Surface Pro X има 2x USB-C порта, Surface Connect порт, Gigabit LTE со nanoSIM и eSIM поддршка, A-GPS, Wi-Fi 802.11ac и Bluetooth 5.0. Компатибилен е со Surface Pro X тастатурата од минатата година, која како и Surface Slim Pen се продава заедно.

Surface Pro X ќе биде достапен во шест конфигурации, од кои само две го користат новиот SQ 2 чипсет. Тука е верзијата со 256GB складирање, по цена од 1500 долари и 512GB модел по цена од 1800 долари.