MSI го претстави Optix MAG271VCR – закривен гејминг монитор од 27 инчи. Мониторот имплементира нов дизајн, со ARGB LED дифузери зад мониторот, во X формат.
Optix MAG271VCR користи VA панел со закривеност од 1800R, има агли на гледање од 178 степени и 16:9 однос на страници. Резолуцијата на мониторот е Full HD (1920 x 1080p), има 165Hz стапка на освежување, 1ms (MPRT) одзив. Тука е и поддршката за VESA Adaptive Sync, ниска стапка на треперење и ниско сино осветлување.
Од приклучоците, мониторите поседува DisplayPort 1.2a и HDMI 2.0, а тука е и 2-port USB 2.0 хаб, како и приклучок за слушалки. MSI не ја објави цената на Optix MAG271VCR мониторот.