Microsoft Wireless Display Adapter е адаптер за телевизор (или монитор) кој му овозможува безжични одлики и можност за поврзување со Windows компјутер.
Според наводите на инсајдерот Roland Quandt, Microsoft изгледа работи на нов адаптер кој ќе поддржува 4К резолуција.
Претпоставка е дека уредот ќе функционира слично како неговиот претходник, но со поддршка за повисоки резолуции. Ова ќе им биде од корист на оние кои имаат ТВ со поддршка за 4K. Од друга страна, Quandt истакнува дека адаптерот ќе чини 70 долари, што го прави поскап од актуелниот модел кој чини 50 долари.
Засега нема информации за тоа кога Microsoft Wireless Display Adapter со 4K поддршка ќе биде објавен, но Quandt истакнува дека може да се очекува наскоро.