Google One, услуга за складирање на податоците во облак, која Google ја стартуваше уште 2018. година, сега може бесплатно да креира сигурносни копии на податоци од iOS или Android паметните телефони со Google профил.

Апликацијата за корисниците на iOS може да направи сигурносни копии на фотографии, видеа, контакти и настани од календари, обединувајќи ги сите на едно место, како што тоа го прават другите апликации како Google Photos или Google Drive, пренесува The Verge.

Од друга страна, Google One за корисниците на Android може да направи сигурносна копија на сите податоци од телефонот, без никаква потреба од Google One членство.

Покрај сигурносното копирање фајлови, Google One е унапреден и за да пружи полесно управување со фајловите кои ги спасуваат корисниците. Оваа функција е достапна преку апликацијата, но и преку веб, овозможувајќи на едно место да управувате со фајловите снимени на од дискот, Gmail или Google Photos.

Корисниците преку Google One добиваат 15GB простор за снимање на Google сметката, а Google нуди можност за зголемување на меморијата – 1,99 долари месечно за 100GB простор.