Samsung потврди дека во текот на својот Unpacked настан, кој се одржува на 5. август, ќе претстави неколку нови уреди. Сега благодарение на дојавувачот Еван Блас (@evleaks), имаме подобар увид во Galaxy Note20 Ultra моделот, преку фотографија од 360 степени.
GIF видеото го покажува Note смартфонот во Mystic Bronze бојата. Видливо е дека рамките околу дисплејот се малку заоблени, а Samsung на ова веројатно се одлучи за да ги задржи многу тенките рамки од страните. Дисплејот и натаму е рамен, како кај Galaxy S20 линијата.
Galaxy Note20 Ultra ќе има три камери на задната страна, а системот го сочинуваат 108MP главна камера, перископ зум камерата и ултраширокиот сензор. Се очекува дека перископ камерата ќе биде ексклузивна карактеристика на Ultra моделот.
Покрај Galaxy Note20 линијата, Samsung ќе ги претстави и Galaxy Z Fold 2, Galaxy Z Flip 5G, Galaxy Tab S7 (i S7+), Galaxy Watch 3 и Galaxy Buds Live.