Samsung официјално најави дека својот следен Unpacked настан ќе го одржи на 5. август, кога ќе ја претстави Galaxy Note20 серијата телефони. Се очекуваше тогаш да бидат објавени и некои други уреди, како што се Galaxy Z Flip 5G, Galaxy Tab S7 и Tab S7+, Galaxy Buds Live и Z Fold 2.
Меѓутоа, според наводите на инсајдерот Max Weinbach, Galaxy Z Fold 2 изгледа нема да биде дел од оваа презентација. Тој истакнува дека 60 проценти е сигурен дека Samsung нема ни да го спомене Galaxy Z Fold 2 на презентацијата, како и дека е 100 проценти сигурен дека телефонот нема да биде прикажан.
Weinbach сугерира дека Z Fold 2 ќе биде претставен на почетокот на септември, а на пазарот би можел да се најде од октомври.
Тоа и натаму остава доста производи кои би требало да ги видиме на Unpacked презентацијата. Се очекуваат три Note20 модели – Galaxy Note20, Note20+ и Note20 Ultra; Z Flip 5G флексибилниот смартфон со Snapdragon 865 (или 865+) чип и 5G поддршка; Galaxy Tab S7/S7+ таблет уредите, како и Galaxy Buds Live безжичните слушалки