Samsung Galaxy Note20 серијата телефони ќе биде претставена на 5. август, кога се очекуваат Galaxy Note20 и Galaxy Note20 Ultra (или Note20+) модели. Samsung официјално не ги објави деталите за Note 2020 линијата, но константно се појавуваат протечени информации и фотографии. Овој пат, сајтот LetsGiDigital ни овозможи увид во рендерите на Note20 Ultra/Plus моделот, како и видео кое го креираше Concept Creator.
Покрај тоа, нови детали ни даваат повеќе информации за S Pen паметното пенкалце, кое не изгледа премногу поинаку од претходните верзии, но пристигнува со нов софтвер, кој ќе овозможи пенкалцето да се користи и како покажувач.
Samsung Galaxy Note20 Ultra/Plus би требало да користи Snapdragon 865+ чипсет, 144Hz стапка на освежување на еранот, ќе има голема батерија и перископ камера за зум фотографии.
