Honor 30S е објавен во Кина претходно оваа година, а сега се појавуваат информации за тоа дека ќе се појави и на другите пазари. Наводните рендери на уредот укажуваат на веќе познатиот Huawei Nova 7 SE модел (кој исто така е познат и како Huawei P40 Lite 5G).
Иако е тешко да се потврди автентичноста на овие рендери, не би било прв пат Huawei и Honor да објават ист телефон повеќе пати под различни имиња и на други пазари.
Постојат голем број заеднички карактеристики помеѓу Honor 30S и Huawei Nova 7 SE спецификациите. Тука е Kirin 820 чипсет со 5G модем, истиот 6.5-инчен LCD панел со Full HD+ резолуција и 16MP селфи камера во punch-hole отвор.
Задните камери исто така имаат сличности: 64MP главен сензор, 8MP F/2.4 ултраширок и 2MP сензор на длабочина. Европскиот Honor 30S модел во споредба со кинеската верзија на телефонот ќе има 2MP макро сензор, наместо 8MP телефото камера.
Huawei P40 Lite 5G пристигнува во Европа по цена од 400 евра. Доколку истиот уред пристигне и во рамките на Honor брендот, се очекува дека ќе биде поевтин.