Тим истражувачи од „Калтек“ креираа нова електронска кожа, односно е-кожа.
Оваа е-кожа се става дирекно врз вистинската кожа на човекот. Направена е од мек, еластичен гумен материјал во кој можат да се вградат сензори.
Преку сензорите може да се следи температурата на телото, шеќерот во крвта и метаболичките нус продукти.
Human sweat-powered e-skin points to future robotics https://t.co/yAnYBcNlfB #innovation #engineering #technology pic.twitter.com/ADqtqqCsw2
— The Engineer (@TheEngineerUK) April 23, 2020
Исто така, сензорите можат да бележат и податоци за невронските сигнали кои ги контролираат мускулите, а работат иклучиво на ќелии од биогориво. Просто кажано, сензорите работат со помош на потта од човекот кој ги носи.
Како што велат од „Калтек“, во сензорите се наоѓаат ќелии со ензими кои го разградуваат лактатот, а тој се наоѓа во потта. Поради тоа е-кожата во текот на неколку дена има стабилен извор на енергија од неколку миливати по квадратен центиметар.
Our newest work on biofuel-powered electronic skin was published today in Science Robotics. A battery-free biofuel-powered e-skin can perform multiplexed wearable biosensing and Bluetooth communication for medical and robotic applications. @SciRobotics https://t.co/8BQEunO9O6
— Wei Gao (@gaowei2009) April 22, 2020
Истражувачите овозможиле уште една функција – сензорите преку Bluetooth можат да се поврзат со мобилен телефон на кој би пристигнувале нотификации доколку нешто не е во ред, пренесува сајтот Slashgear.
Извор: B92.net