Компанијата OnePlus официјално ги претстави своите нови премиум телефони – OnePlus 8 и OnePlus 8 Pro. OnePlus 8 е основниот модел во понудата и пристигнува со 6,55-инчен екран во 1080p+ резолуција и со 90Hz стапка на освежуавање. Екранот е закривен и има punch-hole отвор за селфи-камерата, а нуди HDR10+ поддршка и прецизен приказ на бои.
Главата камера на задната страна има 48MP IMX586 сензор, со pixel-binning поддршка и OIS + EIS стабилизација. Ултрашироката камера од 16MP покрива 116 степени поле на преглед, додека макро задачите ги извршува 2MP сензор. Телефонот нема телефото камера, а 48MP сензор изворно поддржува 2x зумирање преку кропирање.
Батеријата од 4300mAh нуди 13% повеќе капацитет од онаа кај OnePlus 7T моделот, а поддржува Warp Charge 30T преку USB-портот и го полни уредот до 50 проценти за 22 минути. Стандардниот OnePlus 8 нема поддршка за безжично полнење.
OnePlus 8 користи Snapdragon 865 чипсет, во комбинација со две конфигурации на меморија (LPDDR4X) и простор за складирање: 8GB + 128GB и 12GB + 256GB. Телефонот има поддршка за 5G и Wi-Fi 6 конекција.
Сензорот за отпечатоци од прсти е сместен под екранот, а присутна е и поддршка за Dolby Atmos и хаптички одзив за подобро гејмнг искуство.
OnePlus 8 ќе биде достапен на пазарот од 24. април, во Onyx Black, Polar Silver, како и новите Interstellar Glow и Glacial Green варијанти. Цената на 8GB/128GB моделот изнесува 700 долари, додека 12GB/256GB варијантата ќе чини 100 долари повеќе.