Во време на епидемијата на коронавирусот, кога е потребно сите да бидеме во своите домови, ви донесуваме преглед на сајтови за бесплатно гледање филмови што во потполност се легални и нудат симнување на филмови во склад со законот…

Сите ние сакаме филмови, а посебно бесплатно гледање на филмови и двојно профитираме ако таквите филмови ни се лесно достапни. Меѓутоа, единствениот проблем е тоа што ако барате бесплатни филмови на интернет, ќе се соочите со долга листа на нелегални веб-страници кои бесплатно ви ги нудат најновите холивудски или боливудски блокбастери за преземање, а многу од нив ќе пробаат да ви подарат и по некој вирус. Многумина користат торенти за симнување филмови, но тука ви претставуваме некои филмски сајтови што се целосно легални и содржат бесплатни филмови. Можеби никогаш не сте слушнале за некои од нив.

The Internet Archive

Да, меѓу останатото, The Internet Archive им нуди и бесплатно преземање филмови на своите корисници. Познат е по збирките музика и книги, но содржи и одлични филмски наслови што можете бесплатно да ги преземете во форма на торент.

Retrovision

Retrovision е следниот извор на одлични филмски наслови. Втор плус се изборниците по жанрови што ја прават претрагата на филмовите лесна за корисниците. Филмовите се наредени по различни популарни категории како: Авантуристички, Комедии, Крими, Цртани, Научно-фантастични, хороти, воени, драми и вестерни и на тој начин го олеснуваат симнувањето на филмовите. Ако пак ги сакате сите филмови на еден екран, едноставно кликнете на „All Movie List“. Одлично место за бесплатно преземање филмови.

Crackle

Crackle е уште една одлична страница за бесплатно гледање филмови. Бидејќи Sony е сопственик на страницата, поголемиот дел од филмовите на Crackle се под авторските права на Sony, но јапонскиот гигант има одлична збирка на филмови. Страницата бара едноставна регистрација, а потоа ве води во светот на филмовите со кој другите не можат да се споредуваат. The Paramount Vault е еден таков канал што содржи многу култни класици. Можете да пронајдете и многу одамна заборавени филмови со пребарување на Best of YouTube Movies.

YouTube

Сите го знаеме YouTube по славните видео прирачници, видеозаписите за распакување, најавите на филмови и музичките спотови. Но, YouTube е и одличno место за холивудските и разните независни филмови.

Ако истражите доволно длабоко, ќе пронајдете повеќе канали кои ви овозможуваат бесплатно гледање на филмови. Ако сте љубител на инди содржини, YouTube е одличен извор на неконвенционални, но популарни филмови кои на ниту едно друго место не би можеле да ги пронајдете.

MoviesFoundOnline

MoviesFoundOnline е одлична страница со бесплатни филмови, независни филмови, ТВ емисии, стенд-ап настапи итн. Сајтот содржи филмски наслови во ранг од култни класици и кратки филмови до документарци и комедии. MoviesFoundOnline нема сопствени содржини, туку ви нуди линкови за преземање. Секоја содржина што крши ничнии авторски права се брише.

Open Culture

Ако сте обожавател на филмовите на Чарли Чаплин, Open Culture е страница што морате да ја посетите. Нуди висококвалитетни филмови од целиот свет. Како додаток на филмовите, Open Culture донесува бесплатни онлајн курсеви и јазични лекции, е-книги и аудио книги.

Преку Open Culture можете беплатно да ги преземете речиси сите филмови наградени со Оскар и моментно поседуваат отприлика 1150 бесплатни филмови. Ако сакате вестерн филмови со Џон Вејн, Open Culture ви нуди преку 25 бесплатни филмови овде. Комедии, драми, хорори и филмови на Хичкок се достапни за гледање онлајн.

PopcornFlix

PopcornFlix не е исто што и Popcorn Time страницата за торенти. Оваа бесплатна страница за гледање филмови е во сопственост на Screen Media Ventures и се гордее со многу наслови. Сајтот има илјадници бесплатни филмови наредени  по многу категории како драми, акциски филмови, комедии, хорори итн. PopcornFlix содржи многу оригинални National Geographic серии и многу други одлични документарци за природата.

Classic Cinema Online

Оваа веб-страница е за класици. Ако сте обожавател на класичната кинематографија, Classic Cinema Online е сајт за вас. Порталот вклучува култни класици како Bye Bye Birdie, Moby-Dick и Lone Ranger, што нема да ги пронајдете на друго место. Страницата може да се пофали со добар пребарувач на филмови, што брзо го претставува вашиот избор на жанр без никакви комплицирања.

Public Domain Torrents

Public Domain Torrents е единствена страница што содржи легални торенти за бесплатно преземање филмови со авторски права. Овој бесплатен филмски сајт е дом на многу стари и класични филмови. Можете бесплатно да ги гледате филмовите онлајн или бесплатно да ги симнувате.

Секако, постојат уште многу сајтови за бесплатен download на филмови, како и нивно гледање онлајн, но пробавме да се задржиме на легалните извори кои не се судираат со авторските права на сопствениците. Поради тие причини, изборот на филмови е помал од оној што можете да го пронајдете на торенти, а многу од нив се од постар датум или оскаровци. Љубителите на документарците можат да пронајдат и многу епизоди од National Geographic, а има и голем избор на анимирани филмови. Ако имате уште некој легален извор на бесплатни филмови, поделете го со нас долу во коментарите.