HP објави дека новиот Envy 17 лаптоп е достапен за купување. Во прашање е 17-инчен премиум clamshell модел, кој ги имплементира сите карактеристики кои се очекуваат од ваков уред.

Тоа вклучува Intel Ice Lake процесори од 10. генерација. Доколку корисникот не е задоволен од Iris Plus GPU кој пристигнува со Core i7-1065G7 процесор, може да се одлучи и за Nvidia GeForce MX330 GPU со 2GB GDDR5 меморија. По цена од 1250 долари, овој модел на лаптоп пристигнува и со 12GB RAM и 512GB SSD.

Екранот од 17,3 инчи има 4K резолуција, додека тенките рамки околу дисплејот овозможуваат 84% screen-to-body однос. HP укажува и на целосно новата all-in-one тастатура, со функциски копчиња за гаснење на микрофонот, затворач на камерата, HP Command Center и друго.

HP Envy 17 пристигнува во Natural Silver боја, а креиран е од алуминиум и моментално е прикажан дека пристигнува наскоро на сајтот на Best Buy.