Замислете секоја фотографија која ќе ја објавите на Facebook да изгледа живо. Тоа е новата реалност која Facebook сака да ја понуди со воведувањето на новата алатка преку која 3D фотографиите се достапни за сите. Ваквата опција Facebook ја воведе во 2018 година, но таа беше доста ограничувачка, имајќи предвид дека сите фотографии мораа претходно да бидат направени со портретен режим, пишува Mashable.com.
Поддршката за 3D фотографии стана достапна на Facebook, откако паметните телефоните со двојни леќи го популаризираа портретниот режим, со која предниот објект во фотографијата е фокусиран, додека позадината е заматена. Меѓутоа, отсега Facebook самостојно ќе ги употребува податоците во фотографијата за да креира објава во која позадината изгледа како да се движи.
Facebook во своето соопштение ги известува корисниците дека портретните фотографии повеќе не се потребни. Со помош на AI, старите и здодевни 2D фотографии ќе може да се приклучат на 3D „треската“. Секоја фотографија која што ја имате објавено, без разлика колку е стара, ќе може да се обработи преку Facebook 3D алатката.
We presented the 3D photos feature and now we're handing the creativity off to you! We can't wait to see what you come up with. If you need a little help getting started, check out our video on how to post a 3D photo. What are you excited to bring to life using this immersive format?
Posted by Facebook 360 on Четврток, 11 октомври 2018
„Системот ја аплицира 3D структурата на секоја фотографија, без разлика дали станува за нова слика фотографирана со обична камера од Android или iOS, или пак фотографија стара неколку декади која во брзо време сте ја прикачиле на телефон или лаптоп“, пишува во соопштението на Facebook.
Во своето соопштение, Facebook детално објаснува како функционира новиот процес, нудејќи неколку примери за читателите. Објаснето накратко, Facebook ја анализира фотографијата и преку поддржани претпоставки ја погодува длабочината на секој пиксел, нешто што претходно беше покриено од користењето на опцијата Portrait mode.
Единствената замка е тоа што за новата алатка потребен е Android со среден или висок квалитет или минимум iPhone 7. За некои пак, проблем може да биде тоа што алатката функционира само на Facebook.
Извор: Klix.ba