Следниот флексибилен паметен телефон на Huawei ќе се нарекува Mate Xs. Првичните планови беа премиерата да се претвори во реалност на мобилниот Конгрес во Барселона. Сепак, откажувањето на MWC 2020 ќе ја присили компанијата да биде домаќин на самостоен настан за да ни го покаже флексибилниот паметен телефон. Интересно е што ова ќе се случи за само неколку дена, бидејќи Huawei Mate Xs ќе биде официјално претставен на 24 февруари.
Huawei нема да биде домаќин на настан во живо заради коронавирусот, и наместо тоа премиерата ќе ја пренесува во живо на Интернет. Всушност, тоа ќе биде втор флексибилен паметен телефон на компанијата по Huawei Mate X, кој дебитираше минатата година. Една од најинтересните карактеристики на уредот е опцијата за брзо полнење 65W. Високите перформанси ќе бидат загарантирани со 7nm Kirin 990 процесорот, пренесува „ГизЧина“.
Сигурно можеме да очекуваме Huawei Mate Xs да има подобар дисплеј и камери, но и пософистициран механизам за преклопување на дисплеите. Во оваа фаза немаме дополнителни детали за другите технички спецификации што уредот ќе ни ги понуди. Само за неколку дена ќе откриеме за какви изненадувања Huawei нè подготвува и која ќе биде цената на флексибилниот паметен телефон на европскиот пазар.