„А1 Македонија“ како компанија која постојано работи на подобрување на дигиталното корисничко искуство континуирано воведува нови функционалности на мобилната апликација „Мојот А1“, достапна на Google Play и на App Store.
Новата верзија на „Мојот А1“ на корисниците им дава детален увид во моменталната состојба за тековниот месец, како дополнување на досегашната можност за детален увид во сметките од последните 5 месеци. Покрај детален увид во сметките, корисниците имаат вкупен преглед на сметките за своите А1 услуги, за последните 12 месеци. Сето ова придонесува корисникот да има целосна контрола на трошоците, лесен и постојан пристап до важните информации и едноставно и брзо менаџирање на своите А1 услуги преку мобилната апликација.
Во насока на целосно дигитално корисничко искуство, „Мојот А1“ овозможува активација на електронска сметка, едноставно и брзо, преку внесување е-адреса на корисникот. По активација на електронската сметка, следната издадена сметка корисникот наместо во печатена форма преку пошта, ќе ја добие во електронска форма на е-адресата што ја оставил преку апликацијата.
Со активација на електронската сметка корисникот веднаш и навремено ќе има пристап до сметките во ПДФ-формат, со што придонесува кон зачувување на животната средина.
Преку апликацијата „Мојот А1“ корисниците лесно, брзо и безбедно може да ги платат своите сметки за сите А1 услуги со дебитна или кредитна картичка, во секое време.

Преку користење на дигиталните услуги на „А1 Македонија“, корисниците добиваат можност да го заштедат своето време, а истовремено и да придонесат за зачувување на животната средина.