Honor во Кина официјално ги претстави Honor V30 и Honor V30 Pro телефони. V30 серијата ја сочинуваат првите 5G телефони на кинескиот бренд, а со цена од 3299 јуани. V30 е најевтин 5G телефон во Кина.
Honor V30 и V30 Pro имаат IPS LCD панели од 6.57 inča, кои нудат Full HD+ резолуција од 2400 x 1080p и 20:9 однос на страници. Во горниот лев агол на екранот е сместен отвори за селфи камерите од 32MP и 8MP. Предните камери можат да се користат за креирање селфи снимки од 105 степени. Super Night Scene модот е тука за креирање подобри фотографии во услови на послабо осветлување.
На задната страна на двата телефона се наоѓаат по три камери. Тука е Sony IMX600 40MP главниот сензор со f/1.8 отвор на блендата на двата теелфона. Исто така, двата модела имаат 8MP телефото сензор (f/2.4). Honor V30 има 8MP ултраширок сензор како трет модул, додека за V30 Pro тоа е 12MP доделениот видеографски сензор од 109 степени. Двата модела поддржуваат EIS, 3x оптички зум, 5x хибриден зум, 30x дигитален зум, 30fps 4K видео снимање и 960fps 720p видео.
Honor V30 го покренува Kirin 990 чипсет, заедно со Balong 5000 5G модем. Телефонот го напојува 4200mAh батерија со поддршка за 40W SuperCharge брзо полнење. Kirin 990 5G чипсет, со интегриран 5G модем го покренува Honor V30 Pro. Телефонот има 4100mAh батерија и поддршка за 40W SuperCharge брзо полнење, 27W безжично полнење и 7,5W обратно безжично полнење.
Двата телефона користат Magic UI 3.0 интерфејс заснован на Android 10. Тука се и Wi-Fi 802.11ac, Bluetooth 5.0, GPS и USB-C, додека сензорите за отпечаток од прст се наоѓаат од страна на рамката кај двата модела.
Honor V30 5G пристигнува во варијанти со 6GB RAM и 128GB простор за складирање, односно 8GB RAM + 128GB интерна меморија, по цени од околу 468 и 525 долари. Honor V30 Pro 5G, исто така, има две варијанти: 8GB + 128GB (околу 555 долари) и 8GB + 256GB (околу 596 долари).