Елон Маск му донираше милион долари на јутјуберот Џими Доналдсон познат како MrBeast, кој води кампања за борба против климатските промени.

Овој хуман гест на Маск ја заинтригира американската јавност со оглед на тоа дека сопственикот на компаниите Tesla и SpaceX изјави дека се наоѓа во финансиска криза.

Маск веднаш по објавата на Доналдсон покажа интерес за донирање, распрашувајќи се на Twitter за видот на дрвјата и на кои локации ќе се садат.

MrBeast одговори дека акцијата ќе ги опфати сите континенти освен Антартик, а видот на дрвјата ќе зависи од природните фактори на местата каде што ќе се садат.

Собирањето на средствата е успешно, досега се заработени шест милиони долари.

Извор: Klix.ba