Huawei ги промовираше своите први очила за виртуелна реалност (VR) во Кина, а се очекува испораката на уредите да почне во декември за 2999 јуани (382 евра). Huawei VR Glass имаат посебно стилски дизајн, тежат околу 166 грама, со дебелина на предниот дел од само 26,6 мм, што е значително помалку од конкурентите.
Во однос на софтверот, ќе има 30,000 часови VR содржина креирана од партнерите на компанијата, како и над 100 игри и пристап до три платформи за VR видео во живо . Покрај компјутерот, очилата може да се поврзат и со паметен телефон, дозволувајќи им пристап до поголема содржина, а корисниците ќе можат да ги видат и своите фитнес податоци, ако користат уред за носење од компанијата.
Huawei VR Glass нуди вкупна резолуција од 3200 x 1600 пиксели (2 дисплеи со резолуција од 1600 x 1600) со густина на пиксели од 1058 ppi, стапка на освежување од 70 / 90Hz и поле на гледање од 90 степени. Очилата имаат два звучника, кои создаваат широко поле за звук, поддржуваат 3D звук, а присутна е опција и за поврзување на Bluetooth слушалки. Интересен детал е можноста за дополнително прилагодување на диоптерот на двете леќи, така што ќе може да ги користат луѓе, кои инаку носат очила.