Компанијата Microsoft неодамна обележи значаен јубилеј, бидејќи нејзината Android верзија на Microsoft Word ја помина границата од милијарда инсталации.

Освен Word, останатите Microsoft Office апликации стојат прилично добро. Excel, PowerPoint, OneNote и One Drive имаат повеќе од по 500 милиони инсталации, додека Outlook за Android бележи повеќе од 100 милиони инсталации.

Android Police наведува дека оваа бројка не ги подразбира нужно преземањата од Google Play Store, истакнувајќи дека Microsoft има договори со некои производители кои ги инсталираат апликациите на различни уреди.