Откако пред речиси една година ја изгуби лиценцата за Google Mobile Services (GMS), Huawei пронаоѓа начини да го прошири своето портфолио апликации преку App Gallery продавницата. Сега во App Gallery е додадена многу битна апликација – Here WeGo Maps (порано позната како Here Maps).
Апликацијата ги додава сите битни карактеристики, како што се информациите за јавен транспорт, turn-by-turn возење и навигација, пешачење, возење велосипед, а тука е и функционалноста за офлајн мапи. Here WeGo Maps функционира во преку 100 држави и над 130 градови.
Корисниците кои имаат Huawei или Honor телефон со App Gallery, апликацијата Here WeGo Maps можат да ја преземат ТУКА. Покрај ова, Huawei изрази желба популарните локални апликации да ги овозможи за своите главни пазари.