Откако претходно овој месец беше претставен Huawei Nova 4e за кинескиот пазар, верзијата на уредот за глобалниот пазар пристигнува како Huawei P30 Lite.
Смартфонот има 6,15-инчен Full HD+ диспелј со засек во облик на капка, го покрекува Kirin 710 SoC со 6GB RAM, има 128 GB простор за складирање и Hybrid Dual SIM (nano + nano / microSD). Тука е и поддршката за GPU Turbo 2.0, Android 9.0 (Pie) со EMUI 9.0 интерфејс, 3340mAh батерија со опција за брзо полнење.
Кога се камерите во прашање, на задната страна се наоѓаат три сензори: главна камера од 24 MP со LED блиц и f/1.8 отвор на бленда, секундарна 2MP камера и 8MP 120° ултра широка камера. Од предната страна е сместен 32MP сензор со f/2.0 отвор на бленда.
Huawei P30 Lite пристигнува во Midnight Black, Pearl White и Peacock Blue варијанти. Телефонот е достапен во претпродажба, а на пазарот ќе пристигне на почетокот на април по цена од околу 320 долари.
https://youtu.be/rDsj5F4dtmM