Кинеската компанија Oppo претстави нов смартфон кој може да се покаже како основа за следниот модел на OnePlus, што се очекува кон крајот на годината. Двете компании имаат заеднички сопственик и често ги делат ресурсите, па затоа и во последниве години модели на Oppo се користеа како база за градење на уредите на OnePlus – така што R15 стана OnePlus 6, а R11S еволуира во OnePlus 5T. Не е исклучено новиот Oppo R17 да се трансформира во OnePlus 6T, но засега тоа се само претпоставки.
Oppo R17 го зграпчува вниманието со невообичаениот „пресек“ на екранот, тенките рамки околу екранот и вградениот во него сензор за отпечатоци. Уредот нуди 6.4-инчен екран со резолуција 2280 x 1080 пиксели, зафаќа 91,5% од предниот панел во кој има мал отсечен дел за распоредување на предната камера. Овој дизајн потсетува на телефонот на Essential, но изгледа многу поелегантно. Генерално рамката околу горниот дел на екранот изгледа симетрично, но под него има малку поширока зона. Другата новина е вградувањето на дното на екранот на сензор за отпечатоци. За прв пат во смартфон се користи стакло Gorilla Glass 6.
Уредот нуди 8GB RAM, 128GB меморија за апликации и 8-јадрен чипсет Snapdragon 670, а за енергијата се грижи батерија со капацитет 3500 mAh која поддржува технологијата за брзо полнење VOOC. Смартфонот има 25МР камера за селфи фотки со бленда f / 2.0, а главната камера е двојна, иако засега не се споделуваат детали за нејзините параметри. Таа е опремена со вештачка интелигенција и може да препознае 21 сцена и над 800 комбинации меѓу нив. Oppo R17 работи со Android 8.1 со интерфејс Color OS 5.2, a цената ќе биде прогласена на 18 август, кога ќе започнат и продажбите.
https://www.youtube.com/watch?v=zc9dC39Sh0Q