Во писмо адресирано до републиканскиот претставник на Орегон,  Грег Волден, Apple експлицитно потврди дека нивните уреди не снимаат никаков звук без знаење и дозвола на корисникот, само следат гласовни команди како „Hey Siri!“

Исто така Siri не споделува никаков говор од корисниците, а што се однесува до други апликации, тие прво треба да побараат дозвола и второ, треба јасно да индицираат дека го слушаат и снимаат вашиот глас.
Писмото е испратено како одговор на барање од страна на Волден и негови истомисленици кон извршните директори на Apple и Google (Alphabet) – Тим Кук и Лери Пејџ, поради гласините дека смартфоните можат тајно да снимаат говор на луѓе кои се наоѓаат во опсегот на нивните микрофони.
Републиканците се задоволни од кооперативноста на двете компании и претстои да ги анализираат нивните одговори, како и да размислат пред да соопштат кои се нивните следни мерки.