За околу три седмици Samsung во Њујорк ќе го претстави новиот Note, а веќе на интернет се појавија првите фотографии од новиот адут на јужнокорејската компанија.

Фотографиите кои што се појавија на интернет наводно го покажуваат новиот Galaxy Note 9 на Samsung, па доколку тоа навистина е изгледот на новиот телефон, тогаш „деветката“ и нема премногу да се разликува од својот претходник.

Фотографиите исто така откриваат дека сензорот за отпечатоци на прсти кај Galaxy Note 9 е сместен под камерата исто како и кај Galaxy S9, што значи дека ќе биде полесно да се „погоди“ сензорот, наместо притоа да се допира камерата како што беше случај кај Galaxy S8.

Од Samsung веќе ги испратија поканите за настанот кој ќе се одржи во Њујорк на 9-ти август кога ќе ги дознаеме сите спецификации на новиот адут на јужнокорејската компанија, како и конечниот изглед на телефонот.

https://twitter.com/evleaks/status/1019235246947098624?ref_src=twsrc%5Etfw%7Ctwcamp%5Etweetembed%7Ctwterm%5E1019235246947098624&ref_url=https%3A%2F%2Ftocka.com.mk%2Fvesti%2F275742%2Fprotekoa-fotografii-od-noviot-telefon-na-samsung