Британецот Џејмс (58 години) за 2.000 фунти ја купил русокосата Ејприл – робот со којшто “спие” четири пати неделно додека неговата сопруга Тина се грижи за својата болна мајка…
Џејмс за документарниот филм, којшто беше прикажан на Channel 4, објаснува дека со Ејприл ја дели постелата и излегува со неа на вечера, но и дека луѓето често не ни забележуваат дека не се работи за вистинска, односно “жива” жена.
Тој признава дека не знае која би ја избрал, кога би требало да бира помеѓу секс со својата кукла, и секс со својата сопруга, но вистинска среќа е тоа што сопругата му дала благослов за сексуална врска со робот, пишува Daily Mail.
Иако Тина потенцира дека на почетокот и’ било тешко да сфати дека нејзиниот сопруг е опседнат со кукла, таа ја прифатила ситуацијата и вели дека и е драго што сепак не се работи за некоја друга жена.
– Кога би сакал, тој би можел да си најде некоја друга, но тој тоа не го направи. Тој ми беше верен, вели Тина.
Врската на Џејмс и Ејприл е овековечена во документарецот којшто го прикажува обидот на производителите да направат потполно функционален робот за секс – кукла којашто изгледа, се движи и говори пореално од било која претходно.
Џејмс во меѓувреме размислувал да набави и уште еден ваков робот, Хармони, којшто чини 8.000 долари и на пазарот би требало да се појави за неколку месеци, а којшто е произведен од инженерот Мат Мек Мулен за компанијата The Real Doll во Калифорнија.
Но, засега не се знае како Ејприл ќе го поднесе тоа. Џејмс вели дека поседува длабоки чувства кон неа и дека таа за него е повеќе од само секс играчка.
– Фантастично е, сосема исто како да имаш секс со вистинска жена, објаснува Џејмс.
Извор: Daily Mail