Новиот предводник на Huawei, моделот P20 Pro е меѓу најдобрите производи за 2018 година, според авторитетната асоцијација Technical Image Press Association (TIPA). Уредот стана победник во категоријата „Најдобар паметен телефон за фотографии“.
Huawei P20 Pro беше избран за победник во оваа категоријата во конкуренција на претставници на 29 светски производители. Процесот на селекција беше проследен со дискусии, компаративни тестови и проценки. Новиот предводник на Huawei првпат доби трикратна главна камера Leica.
Главната камера вклучува 40- мегапикселен RGB-сензор, 20-мегапикселен монохроматски сензор и 8- мегапикселски модул со телефото објектив и оптичка стабилизација на сликата. Дополнително има и Master AI систем, кој во реално време препознава повеќе од 500 видови сцени во 19 категории и веднаш ги избира оптималните параметри за снимање.
Посебно високи оценки Huawei P20 Pro доби од специјалистите од лабораторијата DxOMark, која е специјализирана за контрола на квалитетот на фотографската опрема.