Компанијата Google ги лансираше на пазарот своите нови и досега најсофистицирани звучниви, што се активираат и контролираат на допир, но и преку гласовна команда.
За да го активирате звучникот, треба само „да му кажете“: „OK Google“. Станува збор за Google Home Max, висококвалитетен пренесувач на звук кој содржи два 4,5 инчни вуфери, 3,5-милиметарски аудио влез и USB приклучок.
Натаму, уредот има шест далекусежни микрофони за препознавање глас и LED светилки за сигнализација и полесно управување. Цената на звучникот изнесува 399 долари.