Бил Гејтс донираше најголема сума од почетокот на овој век подарувајќи пет отсто до своето богатство во акции во Мајкрософт, јавува Блумберг.
Милијардерот на 6 јуни донирал 64 милиони акции вредни 4,6 милијарди долари, објави Американската комисија за регулирање и трговија со хартии од вредност.
Иако не е објавен примателот на донацијата, Гејтс поголемиот дел од парите ги донира на Фондацијата Бил и Мелинда Гејтс, хуманитарната организација која ја основа со својата сопруга.
Гејтс во 1999 година донираше акции од Мајкрософт во вредност од 16 милијарди долари, а во 2000 година донираше 5,1 милијарда. Со својата сопруга од 1994 година донираа вкупно околу 35 милијарди долари во добротворни цели. Вредноста на неговото богатство се проценува на 86,1 милијарда долари.
Поврзани артикли