Компанијата SpaceX на Елон Маск повторно се запиша во историјата со уште едно беспрекорно слетување на ракета, а тој побрза да се пофали со видео од потфатот.
SpaceX вчера го изведе 13. беспрекорно слетување на ракета од вселената и го спушти Falcon 9 на брод во море што се вика „Just Read the Instructions“.
Основачот на компанијата рече дека иако секој ентузијаст за вселената најверојатно го гледал подвигот in real time, тој е свесен колкава е моќта на социјалните мрежи, па објави забрзана снимка од 20 секунди на Instagram и на Twitter.
https://www.instagram.com/p/BVxysOlA04j/
Ова беше второ лансирање и слетување на ракета за SpaceX во 48 часа, што само го поддржа остварувањето на сонот на милијардерот Маск да го направи патувањето во вселената достапно како патувањето со авион.