Иако не добија минутажа за време на Computex презентацијата на Asus, компанијата подготвува и нови таблет уреди. Новиот Asus ZenPad 3S 8.0 е надграден модел на таблетот од 7,9 инчи и има дисплеј со резолуција 2048 х 1536 пиксели, додека ZenPad 10 стигнува во две верзии – една со Full HD екран и една со дисплеј со резолуција 1280 x 800.

Asus ZenPad 10 Z301ML има HD екран, 1.3 GHz MediaTek четиријадрен процесор, до 3 GB RAM и до 64GB интерна меморија. Моделот Z301MFL има Full HD дисплеј, 1.45 GHz четиријадрен чип и иста количина РАМ и интерна меморија. И двата 10-инчни таблета имаат 802.11ab/g/n WiFi, Стерео звучници, USB Type-C порт, microSD читач на картички, 2 и 5 мегапикселни камери, 4G LTE опција на некои модели. Тука е и 18 Wh батеријата.

 

Asus ZenPad 3S 8.0 Z582KL стигнува со Qualacomm Snapdragon 652 процесор, 13 мегапикселна камера на задната страна и Android 7.0 оперативен систем. Уредот го напојува 4680mAh батерија и има USB Type-C порт. Осмоинчниот таблет ќе биде достапен во верзии со 3 GB RAM/32 GB меморија и 4 GB RAM/64 GB меморија, со microSD слот.