Гејминг индустријата во регионот добива одлична причина да биде горда – првиот вистински хорор наслов од легендарната серија Hellraiser ќе биде целосно развиен во Србија и Босна и Херцеговина.
Станува збор за нова игра наречена „Clive Barker’s Hellraiser: Revival“, за која штотуку е објавен трејлер.
Играта ја развиваат студија од Нови Сад, Белград и Сараево, под покровителство на глобалната компанија Saber Interactive, а е инспирирана од култниот хорор универзум создаден од Клајв Баркер. Покрај креаторот на серијата, во проектот учествува и познатиот актер Даг Бредли, кој повторно ќе го толкува ликот на Пинхед, легендарниот антагонист на франшизата.
„Оваа игра е вистински поклон кон темната атмосфера и морничавиот свет на Hellraiser“, рече Клајв Баркер, нагласувајќи дека развојот бил интензивен и многу возбудлив.
Извршниот продуцент од Србија, Ненад Томиќ, додава дека играта претставува нов почеток за франшизата во светот на видео игрите и ќе донесе автентична хорор приказна базирана на првите два филма.
Hellraiser: Revival на Клајв Баркер ќе биде достапна на платформите за PC, PlayStation 5 и Xbox Series X|S, а датумот на издавање ќе биде објавен наскоро.
Обожавателите на Hellraiser веќе можат да го следат развојот и да ја додадат играта на своите листи со желби на Steam.