Иако iOS 18.2 беше објавен релативно неодамна, Apple им препорачува на сите корисници да ги ажурираат своите уреди на iOS 18.2.1 што е можно поскоро од безбедносни причини.
Помалку од еден месец по официјалното објавување на iOS 18.2, Apple веќе ги објави iOS 18.2.1 и iPadOS 18.2.1, кои носат важни поправени грешки. Технолошкиот гигант од Купертино им препорачува на сите корисници што е можно поскоро да ги ажурираат своите телефони и таблети со најновата верзија на нивниот интерфејс од безбедносни причини.
Ажурирањето на iOS 18.2.1 зафаќа помеѓу 372 и 511 MB, во зависност од уредот на корисникот. Како што е вообичаено, известувањата за ажурирање треба автоматски да се појавуваат на iPhone и iPad уредите кои ја поддржуваат таа софтверска верзија, а можно е и рачно да се провери дали има ажурирање во поставките, пишува GSMArena.
Патем, неодамна претставениот iOS 18.2 пристигна со многу нови функции на Apple Intelligence, вклучувајќи ги алатките Image PlayGround и Genmoji. Но, можеби најинтересно од сè, ја вклучува и долгоочекуваната интеграција со ChatGPT, до која корисниците можат да пристапат преку Siri или алатките за пишување на Apple.
Не е потребна корисничка сметка за користење на ChatGPT, иако корисниците можат да се логираат доколку сакаат.