Компанијата HMD одлучи да го искористи препознатливиот дизајн на Lumia за својата нова линија на телефони.

Многумина ќе се согласат дека еден од најдобрите модели на Lumia беше Lumia 1020, благодарение на неговата импресивна камера од 41MP, сместена во тркалезна дупка на задната страна.

Сега изгледа дека HMD црпи инспирација од тој дизајн прво за претстојниот телефон, кој допрва треба да биде именуван. Четири сензори (како и LED блиц) ќе бидат поставени во централниот кружен систем на камера, а се појави и скица која покажува како ќе изгледа.

HMD неодамна го претстави Skyline, кој е најамбициозниот телефон на компанијата во однос на камерите и прв кој пристигна со три сензори за камери (не сметајќи ги моделите на HMD со макро модули). Моделот на сликата, кој наликува на 1020, се претпоставува дека е првиот телефон на HMD со четири камери.

Останува да се види колку HMD ќе биде успешна во конкуренција на пазарот со владетелите на полето на камерата на телефонот, а висококвалитетната обработка на сликата што ги красеше моделите на Lumia е усовршена со години, така што HMD има долг пат да помине на ова поле.